عمران خان پر الزام، شہباز گل کا جسٹس وجیہہ کو لیگل نوٹس بھیجنے کا اشارہ

وزیراعظم عمران خان کے معاون خصوصی شہباز گل نے جسٹس (ر) وجیہہ الدین احمد کو لیگل نوٹس بھیجنے کا اشارہ دے دیا۔

لاہور میں پریس کانفرنس کے دوران شہباز گل نے کہا کہ عمران خان نے پی ٹی آئی کو مفت میں اپنے گھر کا حصہ دفتر کے لیے دیا تھا۔

انہوں نے کہا کہ میں یہ نہیں کہوں گا کہ جسٹس وجیہہ بہت غلط آدمی ہیں، جہانگیر ترین نے بھی ان کے الزام کی تردید کردی ہے۔

جسٹس (ر) وجیہہ الدین احمد اپنے الزام پر ڈٹ گئے

تحریک انصاف کے سابق رہنما جسٹس(ر) وجیہہ الدین احمد،عمران خان سے متعلق اپنے الزامات پر ڈٹ گئے۔

وزیراعظم کے معاون خصوصی نے مزید کہا کہ جسٹس (ر) وجیہہ الدین احمد کی پارٹی ممبر شپ 2015ء میں منسوخ کردی گئی تھی، پارٹی انہیں لیگل نوٹس بھیج سکتی ہے۔

اُن کا کہنا تھا کہ ہر سیاسی پارٹی کا دفتر چلانے کے لئے ایک فنڈ ہوتا ہے، عمران خان کے گھر کے ایک حصے میں پارٹی دفتر استعمال کیا جا سکتا تھا۔

عمران خان سے متعلق بیان، جسٹس وجیہ الدین پر فواد چوہدری کی تنقید

وفاقی وزیر اطلاعات و نشریات فواد چوہدری نے سابق پی ٹی آئی رہنما جسٹس(ر) وجیہ الدین احمد کو مسخرہ قرار دیدیا۔

شہباز گل نے یہ بھی کہا کہ عمران خان نے پارٹی کو مفت میں اپنے گھر کا حصہ دفتر کے لئے دیا تھا، 2014ء سے 2015ء میں 70 ہزار اس دفتر کا خرچہ تھا۔

انہوں نے کہا کہ 2018ء میں یہ خرچہ بڑھ کر 2 لاکھ روپے ماہانہ تک پہنچ گیا تھا، اب بھی چیئرمین آفس کے لئے ڈھائی لاکھ روپے سے زیادہ خرچ ہوتا ہے۔

جسٹس وجیہ نے عمران خان کی بددیانتی کی سرعام گواہی دی ہے، پرویز رشید

سابق وفاقی وزیر اور مسلم لیگ (ن) کے سینئر رہنما پرویز رشید نے کہا ہے کہ جسٹس(ر) وجیہ الدین احمد نے عمران خان کی بددیانتی کی سرعام گواہی دی ہے۔

وزیراعظم کے معاون خصوصی نے کہا کہ جسٹس وجیہہ الدین کو عمران خان کے گھر کی جانب جانے کی اجازت نہیں ہے، سستی شہرت حاصل کرنے والے پی ٹی آئی چیئرمین کے خلاف ایسی باتیں نہ کریں۔