پٹرول پر 3 ماہ میں ساڑھے 22 روپے کا اضافہ، 5 روپے کا ریلیف

حکومت نے پٹرول اور ڈیزل کی قیمت میں 3 ماہ میں 22 روپے 52 پیسے کا اضافہ کرنے کے بعد 5 روپے کا ریلیف دے دیا۔

وفاقی حکومت نے پٹرولیم مصنوعات 3 ماہ میں 22 تا 24 روپے مہنگی کرنے کے بعد آج 5 تا 7 روپے سستی کردی ہیں۔

حکومت نے پٹرول اور ڈیزل کی قیمت میں 5 روپے فی لٹر تک کمی کی ہے، جس کے بعد پٹرول 140 روپے 82 پیسے اور ڈیزل 137 روپے 62 پیسے فی لٹر ہوگیا۔

پٹرول 11 روپے سستا ہوسکتا تھا، انڈسٹری ذرائع

انڈسٹری ذرائع نے کہا ہے کہ پٹرول کی قیمت میں 11 روپےاور ڈیزل پر 8 روپے 75 پیسے فی لٹر تک کی کمی ہوسکتی تھی ۔

پٹرولیم مصنوعات کی قیمتوں میں کمی کا اعلان

حکومت کی جانب سے پٹرولیم مصنوعات کی قیمتوں میں کمی کا اعلان کردیا گیا۔

حکومت نے گزشتہ 3 ماہ میں پٹرول پر 22 روپے 52 پیسے اور ڈیزل پر 22 روپے 58 پیسے بڑھائے تھے اور اب عوام کو 5 روپے کا ریلیف دیا ہے۔

حکومت اعلامیے کے مطابق لائٹ ڈیزل اور مٹی کا تیل بھی 7 روپے لٹر سستا کردیا گیا ہے، مٹی کا تیل اب 109 رپوے 53 پیسے فی لٹر میں دستیاب ہوگا۔

پٹرول پر 12 روپے فی لٹر کمی ہونی چاہیے تھی، پرویز رشید

سابق وفاقی وزیر اور مسلم لیگ (ن) کے سینئر رہنما پرویز رشید نے پٹرولیم مصنوعات کی قیمتوں میں کمی پر تبصرہ کردیا۔

اعداد و شمار کے مطابق حکومت نے 15 ستمبر 2021 کو پٹرولیم مصنوعات کی قیمتوں میں 5 سے 6 روپے اضافہ کیا تھا۔

اعداد و شمار کے مطابق 30 ستمبر کو قیمتوں میں فی لیٹر 2 روپے سے 9 روپے تک، 15 اکتوبر کو قیمتوں میں پونے 9 روپے سے ساڑھے 12 روپے تک اضافہ ہوا تھا۔

رپورٹ کے مطابق 4 نومبر کو پٹرولیم مصنوعات کی قیمتیں 6 سے 8 روپے فی لٹر بڑھیں تو 15 اور 30 نومبر کو پٹرولیم مصنوعات کی قیمتیں برقرار رکھی گئیں۔