پٹرول پر 12 روپے فی لٹر کمی ہونی چاہیے تھی، پرویز رشید

سابق وفاقی وزیر اور مسلم لیگ (ن) کے سینئر رہنما پرویز رشید نے پٹرولیم مصنوعات کی قیمتوں میں کمی پر تبصرہ کردیا۔

ایک بیان میں پرویز رشید نے کہا کہ بین الاقوامی منڈی میں تیل کی قیمتوں کے مطابق فی لٹر 12 روپے کی کمی ہونی چاہیے تھی۔

انہوں نے کہا کہ گزشتہ ماہ اوگرا کی سفارش پر بھی 8 روپے کی کمی نہیں کی گئی تھی۔

پٹرول پر 3 ماہ میں ساڑھے 22 روپے کا اضافہ، 5 روپے کا ریلیف

حکومت نے پٹرول اور ڈیزل کی قیمت میں 3 ماہ میں 22 روپے 52 پیسے کا اضافہ کرنے کے بعد 5 روپے کا ریلیف دے دیا۔

ن لیگی رہنما نے مزید کہا کہ عمران خان کی حکومت میں پٹرولیم مصنوعات کی قیمتوں کے معاملے میں بھی 7 روپے فی لٹر کی ڈنڈی عوام کو ماری گئی ہے۔

پٹرول 11 روپے سستا ہوسکتا تھا، انڈسٹری ذرائع

انڈسٹری ذرائع نے کہا ہے کہ پٹرول کی قیمت میں 11 روپےاور ڈیزل پر 8 روپے 75 پیسے فی لٹر تک کی کمی ہوسکتی تھی ۔

اُن کا کہنا تھا کہ سچ ہے کہ چور چوری سے چلا بھی جائے لیکن ہیرا پھیری سے نہیں جاتا۔