• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوہلی نے میڈیا کو تصاویر لینے سے روک دیا

تازہ ترین
کھیلوں کی خبریں
16 دسمبر ، 2021
کوہلی نے میڈیا کو تصاویر لینے سے روک دیا

بھارتی ٹیسٹ کرکٹ ٹیم کے کپتان ویرات کوہلی نے ائیرپورٹ پر میڈیا کو تصاویر لینے سے روک دیا۔

بھارتی میڈیا رپورٹس کے مطابق بھارتی ٹیسٹ کرکٹ ٹیم کے کپتان ویرات کوہلی اپنی اہلیہ و اداکارہ انوشکا شرما اور بیٹی وامیکا کے ہمراہ دورۂ جنوبی افریقا کے لیے روانہ ہوگئے۔

انسٹاگرام پر شیئر کی گئی ایک ویڈیو میں انوشکا شرما اور ویرات کوہلی اپنی ٹیم کے دیگر ارکان کے ساتھ ایئرپورٹ پر بس سے اترے۔ 


ویڈیو میں دیکھا جاسکتا ہے کہ ویرات کوہلی پہلے بس سے اترے اور وہاں انتظار میں کھڑے پاپرازی سے کہا کہ ’اُن کی بیٹی کی تصاویر کلک نہ کی جائیں۔‘

اس کے بعد انوشکا بس سے اتریں، اداکارہ نے سیاہ ٹریک سوٹ اور سفید جوتے پہن رکھے تھے، بعد میں، وہ وامیکا اور اُن کے نینی کے ساتھ  نظر آئیں۔

واضح رہے کہ بھارت 26 دسمبر سے جنوبی افریقا کے خلاف تین میچوں کی ٹیسٹ سیریز کھیلے گا۔

یہ بھی پڑھیے

یاد رہے کہ بی سی سی آئی کی جانب سے روہت شرما کو ون ڈے ٹیم کا کپتان بنائے جانے کے بعد بھارتی کرکٹ میں نیا تنازع کھڑا ہوگیا ہے۔

ٹیسٹ ٹیم کے کپتان ویرات کوہلی ہیں جبکہ جنوبی افریقا کے خلاف ہونے والی سیریز میں روہت شرما کو ٹیسٹ سے باہر رکھا گیا ہے۔ 

تازہ ترین