فرمان الہی
نماز کے اوقات
کراچی( اسٹاف رپورٹر )نیو کراچی بلال کالونی میں لیڈی سوشل ورکر کو قتل کرنے والے ملزم گرفتار کر لیا گیا۔تفصیلات کے مطابق 14دسمبر کی صبح سوشل ورکر 25سالہ صباءکو قتل کیا گیاتھا،پولیس نے واقعہ میں ملوث ملزم غضنفر کو گرفتار کر کے اس کےقبضے سے آلہ قتل چھری بھی برآمد کر لی۔ملزم نے دوران تفتیش انکشاف کیا کہ صباء نے محلے میں ایک ویلفیئر بنائی ہوئی تھی ،ملزم کا کہنا ہے کہ صباءکا ویلفیئر کا کام کرنا اسے اچھا نہیں لگتا تھا ،لوگ اسکی تعریفیں کرتے تھے جو اسے ناپسند تھا ،ملشم کے مطابق مقتولہ صباءکی شہرت سے اسے جلن ہوتی تھی اس وجہ سے اس نے مقتولہ کو قتل کرنے کا منصوبہ بنایا، واقعہ کے روز مقتولہ گھر سے سٹی کورٹ جانے کے لیے نکلی تو ملزم نے گھر سے چند قدم کے فاصلے پر چھری سے اس پر حملہ کردیا اورموقع سے فرار ہو گیا ۔
