او آئی سی اجلاس کی میزبانی اہم اعزاز ہے، حسان خاور

ترجمان حکومت پنجاب حسان خاور کا کہنا ہے کہ او آئی سی اجلاس کی میزبانی پاکستان کیلئے اہم اعزاز ہے، وزیر اعظم عمران خان مسلم امہ کے صحیح ترجمان ہیں ۔

پاکستان کی میزبانی میں او آئی سی اجلاس کے انعقاد پر حسان خاور کا اپنے ایک بیان میں کہنا تھا کہ افغانستان میں انسانی بحران کیلئے حل تلاش کرنے کا سہرا یقیناً وزیراعظم عمران خان کو جاتا ہے ۔

کسی بھی ملک کو افغانستان جیسی صورتحال کا سامنا نہیں، وزیر اعظم

وزیراعظم عمران خان کا کہنا ہے کہ کسی بھی ملک کو افغانستان جیسی صورتحال کا سامنا نہیں، وہاں سالہا سال کرپٹ حکومتیں رہیں، افغانستان کےحالات کی وجہ سےسب سےزیادہ نقصان پاکستان نے اٹھایا، دنیا نےاقدامات نہ کیےتو یہ انسانوں کا پیدا کردہ سب سےبڑا انسانی بحران ہوگا۔

انہوں نے کہاکہ اس وقت مسئلہ افغانستان دنیا کی توجہ کا طالب ہے، اس معاملے پر او آئی سی کا اجلاس بلا کر پاکستان نے حق ہمسائیگی ادا کیا ہے۔

ترجمان حکومت پنجاب نے کہا کہ افغان مسئلے کا حل پاکستان سمیت دنیا بھر میں امن کیلئے ضروری ہے۔