فرمان الہی
نماز کے اوقات
کراچی ( نصر اقبال/ اسٹاف رپورٹر) پاکستان ہاکی فیڈریشن نے قومی سینئر اور جونیئر ہاکی ٹیموں کے آفیشلز میں تبدیلیوں کا فیصلہ کر لیا، جونیئر ٹیم کی انتظامیہ کی تقرری ورلڈ کپ جبکہ سینئر ٹیم کے غیر ملکی کوچ کے علاوہ دیگر آفیشلز کو ایشین چیمپئنز ٹرافی تک ذمے داری دی گئی تھی۔ جنگ کو ملنے والی اطلاع کے مطابق پی ایچ ایف کے صدر بریگیڈیئر (ر) خالد سجاد کھوکھر اور سکریٹری آ صف باجوہ جاری ایشین ایونٹ کے بعد نئے غیر ملکی ہیڈ کوچ سیگفرائیڈایکمین سے مشاورت کے بعد اس متعلق فیصلہ کریں گے۔ خواجہ جنید کو جونیئر ٹیم دیے جانے کا امکان ہے،ان کے ساتھ ریحان بٹ، محمد عمران، سعید خان کے نام بھی زیر غور ہیں۔ فیصلہ سابق اولمپئن قمر ابراہیم کو جونیئر ٹیم میں اہم ذمے داری دینے کی خواہش مند ہے، محمد ثقلین کو ایک بار پھر سنیئر ٹیم کاکوچ مقرر کیا جاسکتا ہے، احمد عالم کو گول کیپنگ کوچ ہونگے۔ تقرریوں سے قبل اشتہار دیا جائیگا، جس کے بعدہیڈ کوچ تمام کوچز سے انٹرویو کریں گے جن کی رپورٹ کی روشنی میں کوچز کی تقرری کا فیصلہ کیا جائے گا۔
