• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشین ہاکی چیمپئنز ٹرافی: پاکستان پہلی مرتبہ فائنل میں پہنچنے میں ناکام

تازہ ترین
کھیلوں کی خبریں
21 دسمبر ، 2021
پاکستان پہلی مرتبہ فائنل میں پہنچنے میں ناکام رہا - فوٹو: اے ایف پی
پاکستان پہلی مرتبہ فائنل میں پہنچنے میں ناکام رہا - فوٹو: اے ایف پی

ایشین ہاکی چیمپئنز ٹرافی کے سیمی فائنل میں جنوبی کوریا نے پاکستان کو 5-6 سے ہرادیا، جس کے ساتھ ہی قومی ٹیم پہلی مرتبہ ایونٹ کے فائنل میں پہنچنے میں ناکام ہوگئی۔ 

ڈھاکا میں کھیلے گیا ایشین ہاکی چیمپئنز ٹرافی کا پہلا سیمی فائنل بہت دلچسپ اور سنسنی خیز ثابت ہوا جہاں مجموعی طور پر 11 گول ہوئے۔ 

جنوبی کوریا کی جانب سے جینگ نے ہیٹ ٹرک کرتے ہوئے 4 گول کیے جبکہ پاکستان کی جانب سے مبشر علی نے 2، عمر بھٹہ، جنید منظور اور افراز نے ایک، ایک گول کیا۔

واضح رہے کہ 5 ٹیموں پر مشتمل اس ایونٹ میں پاکستان ٹیم صرف بنگلادیش کو شکست دے کر فائنل میں پہنچی تھی۔

تازہ ترین