فرح خان کیجانب سے گوری خان کیلئے کرسمس کا خاص تحفہ

22 دسمبر ، 2021

معروف بالی ووڈ فلم ساز فرح خان نے اپنی بہترین دوست اور مشہور بھارتی انٹیرئیر ڈیزائنر گوری خان کو محبت بھرے پیغام کے ساتھ کرسمس کے تحائف بھیجے ہیں۔

گوری خان نے اپنے سوشل میڈیا اکاؤنٹ پر فرح خان اور ان کےبچوں زار، آنیا، اور دیوا کی طرف سے موصول ہونے والے کرسمس نوٹ کی تصویر شیئر کی ہے۔

اس کرسمس نوٹ پر لکھا ہوا پڑھا جاسکتاہے ’میری کرسمس!‘

فرح خان نے اس نوٹ میں کرسمس کے تحفے کی تفصیلات بتاتے ہوئے لکھا ہے کہ ’ہم آپ کو اپنا پسندیدہ ناشتہ بھیج رہے ہیں، چلّی کی یہ مزیدار چیریاں جو ہمیں اپنے خفیہ سانٹا کلاس سے موصول ہوئی ہیں‘۔

انہوں نے مزید لکھا کہ ’آئیے مل کر کرسمس کی خوشی منائیں اور ہم امید کرتے ہیں کہ آپ ان چیریوں کو اتنا ہی پسند کریں گی جتنا ہم کرتے ہیں‘۔

خیال رہے کہ گوری خان اپنے بیٹے آریان خان کی منشیات کیس میں گرفتاری کے بعدطویل عرصہ سوشل میڈیا سے دور رہی تھیں۔

ابھی بھی گوری خان سوشل میڈیا پر کچھ زیادہ متحرک نہیں ہیں، انہوں نے بیٹے کی رہائی کے بعد پچھلے ہفتے سوشل میڈیا پراپنے کام کے حوالے سے ایک پوسٹ شیئر کی تھی۔

تازہ ترین