فرمان الہی
نماز کے اوقات
پاکستان کی خوبرو اداکارہ مریم انصاری کی شادی کی تقریبات بالآخر اختتام پذیر ہوگئی ہیں۔
مریم انصاری کے ولیمے کی تقریب ہفتے کے روز 25 دسمبر کو ہوئی تھی، جس کی ایک خوبصورت ویڈیو سوشل میڈیا پر وائرل ہوگئی ہے۔
اس ویڈیو میں اداکارہ مریم انصاری کی شوہر اویس خان کے ساتھ ولیمے کی تقریب میں شاندار انٹری دیکھی جاسکتی ہے۔
مریم انصاری نے اپنے ولیمے پر مشہور پاکستانی برانڈ ایلان کے خوبصورت جوڑے کاانتخاب کیاجبکہ اویس خان نے ولیمے کے لیے کلاسک سرمئی سوٹ کا انتخاب کیا۔
اس تقریب میں، جوڑے کی فیملی، قریبی دوستوں، اور شوبز انڈسٹری کے ساتھی اداکاروں بشمول مریم انصاری کے بھائی علی انصاری کی منگیتر اداکارہ صبور علی نے شرکت کی۔
واضح رہے کہ اداکارہ مریم انصاری پاکستان کے معروف سابق کرکٹر معین خان کے بیٹے اویس خان کے ساتھ رشتۂ ازدواج میں منسلک ہوئی ہیں۔
