• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان پولیس اندھے قتل کے دو کیسز کی تہہ تک پہنچ گئی

میرا شہر
ملتان
30 دسمبر ، 2021
ملتان (سٹافرپورٹر)ملتان پولیس نے دو بلائنڈ مرڈر کیسز کو حل کرلیا ہے۔سی پی او ملتان خرم شہزاد حیدر نے اس حوالے سے بریف کرتے ہوئے بتایا کہ کچھ روز قبل تھانہ مخدوم رشید کے علاقہ میں گڑھے میں دبی لاش کامعمہ حل کرلیا ہے۔مقتول کی شناخت وقاص کے نام سے ہوئی ہے جو فیصل آباد میں اغوا برائے تاوان کیس میں ملزم تھا اسکے ساتھیوں نے اسے فائر مار کر قتل کیا اور گڑھے میں دبایا اس کیس میں دو ملزمان گرفتار کر لئے جاچکے ہیں۔انہوں نے بتایا کہ تھانہ مظفر آباد کے علاقہ سے ایک خاتون کی بوری بند لاش نہر سے ملی تھی اسکی شناخت مقصود مائی کے نام سے ہوئی اسے غلام یٰسین نے جائیداد کے معاملے پر قتل کیا ملزم کو گرفتار کرلیا گیا ہے۔انہوں نے بتایا کہ تھانہ الپہ کے علاقہ میں دو بلائنڈ مرڈر کیس کے ملزمان بھی گرفتار کرلئے گئے ہیں ان کو بھی عنقریب سامنے لایا جائے گا۔
تازہ ترین