برطانیہ میں کورونا سے مزید 203 افراد ہلاک، ایک لاکھ 98 ہزار سے زابد متاثر

برطانیہ میں آج کورونا سے مزید 203 اموات رپورٹ ہوئی ہیں جبکہ عالمی وبا سے مزید ایک لاکھ 89 ہزار 846 افراد متاثر ہوئے۔ 

میڈیا رپورٹ میں مزید بتایا گیا ہے کہ اسپتالوں میں داخل کورونا مریضوں کی تعداد 12 ہزار 395 ہوگئی ہے۔  

کورونا کے باعث روزانہ 2 ہزار افراد اسپتالوں میں داخل ہورہے ہیں۔

کورونا کا پھیلاؤ، قطر میں تعلیمی ادارے بند کرنے کا فیصلہ

دوحہ سے عرب میڈیا کے مطابق قطر میں اسکولوں اور ایلیمنٹری کلاسز میں تدریسی عمل معطل کردیا گیا ہے۔ قطر کی وزارت تعلیم کے مطابق اسکولوں اور ایلیمنٹری کلاسز میں تدریسی عمل 2 جنوری سے ایک ہفتے کے لئے معطل کیا گیا ہے۔

دوسری جانب فلپائن میں کورونا وائرس کے اومی کرون ویرینٹ رپورٹ ہونے پر پابندیوں میں سختی کا اعلان کیا گیا ہے۔

خبر ایجنسی کے مطابق فلپائن میں 3 سے 15 جنوری تک کورونا پابندیوں میں سختی کی جائے گی۔

منیلا سے فلپائن کے صدارتی ترجمان کے مطابق آنے والے دنوں میں کورونا کے فعال کیسز میں اضافہ متوقع ہے۔