آسٹریلوی کرکٹر ول پووسکی نے دورۂ پاکستان پر نظریں جما لیں

انجری کے باعث انٹرنیشنل کرکٹ سے دور آسٹریلوی کرکٹر ول پووسکی نے دورۂ پاکستان پر نظریں جما لی۔

ول پووسکی ایشز سیریز کا حصہ نہیں بن سکے ہیں، سلیکشن چیئر جارج بیلے کا کہنا ہے کہ ول پووسکی پاکستان کے دورے پر جانا چاہتے ہیں۔

جارج بیلے نے انہیں آسٹریلیا کے لانگ ٹرم پلانز کا حصہ قرار دیا ہے۔

ول پووسکی کا کہنا ہے کہ مجھےٹریک پر آنے کے لیے پانچ چھ ہفتے لگے، پہلے دو ہفتے بہت مشکل تھے۔

انہوں نے کہا کہ انجری سے واپس آنے کے بعد نارمل ہونے میں وقت لگتا ہے، اگر ڈومیسٹک میں اچھا کھیلتا ہوں تواس کا مطلب سب ٹھیک ہے۔