فنی خرابی، ملتان سے جدہ جانیوالی PIA کی پرواز کراچی اتار لی گئی

ملتان سے قومی ایئر لائن پی آئی اے کی سعودی شہر جدہ جانے والی پرواز کو فنی خرابی کے باعث کراچی اتار لیا گیا۔

پی آئی اے کے ترجمان کے مطابق پرواز پی کے 9739 نے کراچی میں ٹیکنیکل سیف لینڈنگ کی، کراچی قومی ایئر لائن کا انجینئرنگ بیس ہونے کی وجہ سے مذکورہ طیارہ یہاں اتارا گیا ہے۔

قومی ایئر لائن کے ترجمان نے مزید بتایا ہے کہ کراچی میں طیارہ تبدیل کر کے مسافروں کو جدہ روانہ کر دیا گیا ہے۔

لاہور میں موسم خراب، پروازیں اسلام آباد میں اتار لی گئیں

پنجاب کے دارالحکومت لاہور میں موسم میں اچانک شدید خرابی کے باعث درجن بھر پروازوں کو متبادل ایئر پورٹ پر موڑ دیا گیا۔

ترجمان پی آئی اے کا یہ بھی کہنا ہے کہ پہلے طیارے کی فنی خرابی بھی دور کر دی گئی ہے، جو اب پرواز کے لیے تیار ہے۔