• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
کاجول اور کرن جوہر کو سنہرے دن یاد آگئے، فائل فوٹو
 کاجول اور کرن جوہر کو سنہرے دن یاد آگئے، فائل فوٹو 

بالی ووڈ کی معروف اداکارہ کاجول دیوگن اور ہدایتکار کرن جوہر کو 90 کی دہائی کے سنہرے دن یاد آگئے۔

بھارتی ٹی وی کے آفیشل انسٹاگرام اکاؤنٹ پر رنویر سنگھ کے کوئز شو’دی بگ پکچر‘ کا ٹریلر شیئر کیا گیا ہے۔

 کاجول اور کرن جوہر نےحال ہی میں ایک ساتھ اداکار رنویر سنگھ کے کوئز شو کے فِنالے میں بطور مہمان شرکت کی۔

اس ٹریلر میں دیکھا جاسکتا ہے کہ بالی ووڈ کی ان دونوں بڑی شخصیات نے رنویر سنگھ کے ساتھ مل کر اپنی ہٹ فلموں ’دل والے دُلہنیا لے جائیں گے‘، ’کچھ کچھ ہوتا ہے‘ اور ’کبھی خوشی کبھی غم ‘ کے کچھ مشہور سینز اور گانوں کو نئے انداز میں پیش کرکے اپنے سنہرے ماضی کی یادوں کو تازہ کردیا۔

دوسری جانب کرن جوہر نے اپنے انسٹاگرام اکاؤنٹ پر اس شو کے کیمرے کے پیچھے کے مناظر شیئر کیے۔

اُنہوں نے اپنی پوسٹ کی کیپشن میں لکھا کہ’اُنہوں نے پیاری کاجول کے ساتھ  مل کر’دی بگ پکچر‘میں رنویر سنگھ کےہمراہ ایک زبردست دھماکا کیا۔

اُنہوں نے مزید لکھا کہ’یقینی طور پر آپ کےسامنے بہت ساری پرانی یادیں آرہی ہیں‘۔

جبکہ اداکارہ کاجول نے بھی اس شو کے ٹریلر کو اپنے انسٹا گرام اکاؤنٹ پر شیئر کیا۔

اُنہوں نے شو کا ٹریلر شیئر کرتے ہوئے لکھا کہ’ دی بگ پکچر کے فِنالے میں اُن کے مشہور ساتھیوں کے ساتھ ایک بڑا جشن! ‘

انٹرٹینمنٹ سے مزید