مری، سڑک پر برف پھینک کر رقم بٹورنے والے ملزم کی ضمانت منظور

مری میں سڑکوں پر برف پھینک کر سیاحوں سے معاوضہ بٹورنے والے ملزم کی ضمانت منظور ہوگئی۔

پولیس نے ملزم ثاقب عباسی کو ڈیوٹی مجسٹریٹ نواز اشرف کی عدالت میں پیش کیا، ملزم کے وکیل کی جانب سے عدالت میں درخواست ضمانت دائر کی گئی تھی۔

عدالت نے ملزم ثاقب عباسی کی ضمانت27 ہزار روپے مچلکوں کے عوض منظور کی۔

مری،سڑک پرخود برف پھینک کر رقم ہتھیانے والا گرفتار، جیپ ضبط

کراچی سیاحتی مقام مری میں سڑک پرخود برف پھینک کر...

دوسری جانب ملزم کو ساتھ لانے والے تفتیشی افسر نے صحافیوں کو ملزم کی وڈیو بنانے سے روک دیا۔

خیال رہے کہ ملزم اور اس کے ساتھی سیاحوں سے مدد کے بہانے بھاری معاوضہ لیتے تھے، گزشتہ روز پولیس نے ثاقب عباسی کو جیپ سمیت گرفتار کیا تھا۔