یوکرین نے سائبر حملے سے متاثر سرکاری ویب سائٹس تک رسائی حاصل کرلی

یوکرین کے وزارت خارجہ کا کہنا ہے کہ سائبر حملے سے متاثر ہونے والی زیادہ تر ویب سائٹس تک دوبارہ رسائی حاصل کرلی گئی ہے۔

غیر ملکی خبر رساں ادارے کے مطابق وزارت خارجہ نے کہا کہ سائبر حملے میں پرسنل ڈیٹا لیک ہونے سے محفوظ رہا۔

وزارت خارجہ کا کہنا ہے کہ گزشتہ روز سرکاری ویب سائٹس پر ہونے والے سائبر حملےکی تحقیقات جاری ہیں، سائبر حملے میں روسی سیکرٹ سروس کے ہیکرز کے ملوث ہونے کے اشارے ملے ہیں۔

یوکرین کی سرکاری ویب سائٹس پر سائبر حملہ

یوکرین کی حکومت کی ویب سائٹس پر جمعرات کی شب ایک بڑے پیمانے پر سائبر حملہ کیا گیا، جن میں سے کچھ ویب سائٹس پر جمعے کی صبح تک رسائی حاصل نہیں کی جاسکے ہے۔

خیال رہے کہ سائبر حملے میں یوکرین کی 70 سرکاری ویب سائٹس کو نشانہ بنایا گیا تھا۔

دوسری جانب امریکا نے کہا ہے کہ روس یوکرین میں فالس فلیگ آپریشن کی تیاری کررہا ہے۔