آسٹریلیا کی پاکستان آمد کا احساس ابھی سے محسوس کررہا ہوں، محمد رضوان

کیلنڈر ایئر 2021 میں سب سے زیادہ ٹی ٹوئنٹی انٹرنیشنل رنز بنانے والے کرکٹر پاکستان ٹیسٹ ٹیم کے نائب کپتان محمد رضوان کا کہنا ہے کہ وہ 24 سال بعد دورہ پاکستان سے متعلق آسٹریلیا کے کھلاڑیوں، فینز، براڈکاسٹرز اور میڈیا کی طرف سے سامنے آنے والے بیانات کا خیرمقدم کرتے ہیں۔

سال 2021 میں پاکستان کرکٹ بورڈ(پی سی بی) کے سب سے قیمتی کرکٹر کا ایوارڈ حاصل کرنے والے کھلاڑی اوروکٹ کیپر بیٹر نے کہا کہ 24 سال بعد پاکستان کا تاریخی دورہ کرنے پر پوری قوم آسٹریلیا کرکٹ ٹیم کو خوش آمدید کہنے کے لیے تیار ہے۔

انہوں نے کہا کہ آسٹریلیا میں موجود مختلف اسٹیک ہولڈرز کے مثبت بیانات دیکھ کر وہ ایک طویل عرصے بعد آسٹریلیا کرکٹ ٹیم کی پاکستان آمد کا احساس ابھی سے محسوس کرنے لگے ہیں۔

محمد رضوان بمقابلہ سرفراز احمد: دو بہترین وکٹ کیپرز کا ٹاکرا

تاریخ گواہ ہے کہ پاکستان نے دنیائے کرکٹ کو ان گنت باصلاحیت وکٹ کیپرز دیئے ہیں اور ان میں سے چند پر تو دنیا آج بھی رشک کرتی ہے، وکٹوں کے پیچھے عمدہ گلوز ورک کرنے والے ان کھلاڑیوں نے نہ صرف دنیا بھر میں اپنی صلاحیتوں کا لوہا منوایا بلکہ وہ کھیل کی پہچان بھی بنے ہیں

محمد رضوان پرعزم ہیں کہ دونوں ممالک کے کھلاڑیوں کا آپس میں مضبوط تعلق آئندہ ماہ کھیلی جانے والی اس کرکٹ سیریز کو چار چاند لگانے میں کوئی کسر نہیں چھوڑے گا۔

انہوں نے کہا کہ عثمان خواجہ سمیت کئی آسٹریلوی کرکٹرز کی ایچ بی ایل پی ایس ایل میں شرکت اور آسٹریلیا میں جاری کے ایف سی بگ بیش لیگ میں چھ پاکستانی کھلاڑیوں کی شرکت دونوں ممالک کے کرکٹ حلقوں کے باہمی تعلقات کی نشاندہی کرتی ہے۔

انہوں نے مزید کہا کہ وہ آسٹریلیا کے سابق کرکٹر میتھیو ہیڈن کے پاکستان کےبارے محبت بھرے الفاظ کے گواہ ہیں، انہوں نے انٹرنیشنل کرکٹ کونسل( آئی سی سی) مینز ٹی ٹوئنٹی ورلڈکپ 2021 میں قومی کرکٹ ٹیم کے بیٹنگ کنسلٹنٹ کی ذمہ داریاں نبھاتے ہوئے کئی مرتبہ اس کا اظہار بھی کیا ہے۔

محمد رضوان نے مشکل ترین پاکستان کے بولر کے حوالے سے بتادیا

قومی کرکٹ ٹیم کے وکٹ کیپر بیٹر محمد رضوان نے نیٹ پریکٹس کے دوران مشکل ترین بولر کا سامنا کرنے کے حوالے سے اظہارِ خیال کیا ہے۔

اسی طرح آسٹریلیا کے ہیڈ کوچ جسٹن لینگر بھی ایونٹ کے دوران محمد رضوان سے پاکستان سے متعلق مثبت گفتگو کرچکے ہیں۔

قومی ٹیسٹ اسکواڈ کے نائب کپتان محمد رضوان کا کہنا ہے کہ چند روز قبل ایشیز کا کامیاب دفاع کرنے والی آسٹریلیا کی ٹیسٹ ٹیم ایک مضبوط اور مشکل حریف ہے تاہم پاکستان کو اس سیریز میں ہوم گراؤنڈ اور ہوم کراؤڈ کا ایڈوانٹیج ہوگا۔

انہوں نے کہا کہ بابراعظم کی قیادت میں پاکستان نے کیلنڈر ایئر 2021 میں تینوں طرز کی کرکٹ میں شاندار کھیل کا مظاہرہ کیا ہے۔

آسٹریلیا کی ٹیسٹ اسکواڈ پاکستان کا دورہ کرے گا، پیٹ کمنز

آسٹریلیا کی ٹیسٹ کرکٹ ٹیم کے کپتان پیٹ کمنز کا کہنا ہے کہ یقین ہے کہ ٹیسٹ اسکواڈ پاکستان کا دورہ کرے گا

محمد رضوان نے پاکستان اور آسٹریلیا کی سیریز کو کرکٹ کے مداحوں کے لیے ایک بڑی سیریز قرار دیتے ہوئے کہا ہے کہ فینز کسی بھی کھیل کا سب سے اہم جزو ہیں اور ان کی تمنائیں اور حوصلہ افزائی میدان میں کھلاڑیوں کا جذبہ بڑھاتی ہیں۔

خیال رہے کہ آسٹریلیا کی ٹیم تین ٹیسٹ، تین ون ڈے انٹرنیشنل اور ایک ٹی ٹوئنٹی انٹرنیشنل میچز کھیلنے کے لیے مارچ/ اپریل میں پاکستان کا دورہ کرے گی، سیریز میں شامل تینوں ٹیسٹ میچز آئی سی سی ورلڈ ٹیسٹ چیمپئن شپ جبکہ تمام ون ڈے انٹرنیشنل میچز آئی سی سی مینز ورلڈکپ سپر لیگ کا حصہ ہیں۔