فاطمہ ثناء ICC ویمنز ون ڈے ٹیم آف دی ایئر میں شامل

انٹرنیشنل کرکٹ کونسل (آئی سی سی) کی جانب سے ویمنز ون ڈے ٹیم آف دی ایئر کا اعلان کردیا گیا ہے، جس میں پاکستان کی فاطمہ ثناء کو بھی شامل کیا گیا ہے۔

آئی سی سی ویمنز ون ڈے ٹیم آف دی ایئر میں انگلینڈ کی ہیتھر نائٹ کو کپتان بنایا گیا ہے ٹیم کے دیگر کھلاڑیوں میں لیزلی لی، الیسا ہیلی وکٹ کیپر، ٹیمی بیماونٹ اور میتھالی راج شامل ہیں۔

اس کے علاوہ ہیلے میتھیوز، ماریزین کیپ، شبنم اسمعیل، جھولن گواسوامی اور انیسہ محمد بھی ٹیم کا حصہ ہیں۔

بابراعظم ICC مینز ون ڈے ٹیم آف دی ایئر کے کپتان مقرر

پاکستان کے کپتان بابر اعظم کو ایک اور اعزاز حاصل ہوگیا، آئی سی سی نے مینز ون ڈے ٹیم آف دی ایئر کا کپتان مقرر کردیا، فخر زمان بھی ٹیم کا حصہ ہیں۔

خیال رہے کہ قومی کرکٹ ٹیم کے کپتان بابر اعظم کو انٹرنیشنل کرکٹ کونسل ( آئی سی سی) مینز ٹی ٹوئنٹی اور ون ڈے ٹیم آف دی ایئر کے لیے کپتان مقرر کیا گیا ہے۔