پی ایس ایل 7: ٹیموں کی بائیو سیکیور ببل میں انٹری

پاکستان سپر لیگ (پی ایس ایل) کے ساتویں ایڈیشن کے لیے ٹیموں کی بائیو سیکیور ببل میں انٹری شروع ہوگئی۔ 

کراچی کنگز، لاہور قلندرز اور اسلام آباد یونائیٹڈ کے کھلاڑی ہوٹل پہنچ گئے جبکہ فرنچائز کے غیرملکی کھلاڑی کل سے کراچی پہنچیں گے۔

تمام کھلاڑی اور اسٹاف 3 روزہ قرنطینہ میں وقت گزاریں گے، دوران قرنطینہ کورونا ٹیسٹنگ کا سلسلہ بھی جاری رہے گا۔

سندھ ہیلتھ ڈپارٹمنٹ کا عملہ بھی ٹیموں کے ساتھ ہوٹل میں رہے گا، مقررہ تاریخ تک ہوٹل اسٹاف کو بائیو سیکیورببل سے باہر جانے کی اجازت نہیں ہوگی۔

فرنچائز ٹیموں کو 24 جنوری سے نیٹ پریکٹس کی اجازت ہوگی۔