بیلجیئم کا افغانستان سے شہریوں کے انخلاء میں مدد پر پاکستان سے اظہار تشکر

 

بیلجیئم کی حکومت نے افغانستان سے اپنے شہریوں اور دیگر ملکوں افراد کے انخلاء میں مسلسل مدد کرنے پر پاکستان کا شکریہ ادا کیا ہے۔

پاکستان میں قائم بیلجیئن سفارت خانے کے مطابق اب سے چند گھنٹے قبل افغانستان کے 34 افراد نے پاکستان کے راستے بیلجیئم آنے کیلئے اپنے سفر کا آغاز کیا ہے، جس میں حکومت پاکستان نے بھرپور معاونت کی ہے۔

اس پر سفارت خانے نے اپنی حکومت کی جانب سے وزارت خارجہ سمیت مختلف پاکستانی اداروں کا شکریہ ادا کیا ہے۔