فیصل آباد واقعے میں خاتون کو ہراساں کیا گیا ،جنسی زیادتی نہیں ہوئی، پولیس

سٹی پولس آفیسر (سی پی او) غلام مبشر کا کہنا ہے کہ فیصل آباد میں متاثرہ خاندان کے ساتھ ڈکیتی کی واردات ہوئی، خاتون کو ہراساں کیا گیا ،جنسی زیادتی نہیں ہوئی۔

سی پی او غلام مبشر نے پریس کانفرنس میں کہا کہ ان کی خود بھی متاثرہ فیملی سے ملاقات ہوئی، خواتین اہلکاروں ںے بھی بات کی، خاتون کی بات کا مطلب تھا کہ ان کے ساتھ ظلم و زیادتی ہوئی ، زيادتی کا مطلب جنسی زیادتی نہیں تھا۔

فیصل آباد زیادتی واقعہ، پولیس کا کردار مشکوک ہوگیا

فیصل آباد میں سڑک پر گاڑی روک کر خاتون سے مبینہ زیادتی کے واقعے میں پولیس کا کردار مشکوک ہو گیا۔

سی پی او نے کہا کہ خاتون سے پوچھا کہ آپ کو ملزمان نےگاڑی سے نیچے اتارا یا شوہر سے الگ کیا تو خاتون کا جواب نفی میں تھا۔

خیال رہے کہ گزشتہ روز جیو نیوز سے گفتگو میں متاثرہ خاتون کا کہنا تھا کہ ڈکیت گروپ انہیں ایک ڈیرے پر لے گیا، پھر کمرے میں لے گئے جہاں کچھ ایسا ہوا کہ انہیں ہوش نہ رہا، جب ملزمان نے انہیں چھوڑا تو انہیں پتہ چلا کہ ان کے ساتھ یہ سب کچھ ہوچکا ہے۔