بلاول کو غلط فہمی ہے، وہ لانگ کیا شارٹ مارچ بھی نہیں کرسکتے، فواد چوہدری

وفاقی وزیر اطلاعات و نشریات فواد چوہدری نے کہا ہے کہ بلاول بھٹو زرداری کی غلط فہمی ہے کہ وہ لانگ مارچ کر سکتے ہیں۔

پی پی چیئرمین کے بیان پر ردعمل میں انہوں نے کہا کہ بلاول بھٹو زرداری لانگ تو کیا شارٹ مارچ بھی نہیں کرسکتے ۔

فواد چوہدری نے مزید کہاکہ انہوں نے تیرھویں دفعہ لانگ مارچ کی کال دی ہے، حزب اختلاف لانگ مارچ تو کیا شارٹ مارچ بھی نہیں کرسکتی۔

عمران خان پر عوام کا اعتماد اٹھ چکا اب پارلیمان کا اٹھانا ہے، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ عمران خان پر سے عوام کا اعتماد اٹھ چکا، اب پارلیمان کا اعتماد اٹھنا چاہیے۔

ان کا کہنا تھا کہ وزیراعظم عمران خان کے خلاف کوئی سازش کامیاب نہیں ہوگی، شہباز شریف کے گھر جا کر بلاول نے سرینڈر ڈاکیومنٹ سائن کیے۔

وفاقی وزیر نے یہ بھی کہا کہ کئی دن بھی سرجوڑ کر بیٹھیں تو ناکامی ان کا مقدر ہے، دونوں خاندانوں کے جعلی اکاونٹس اور چوری کے راز ایک جیسے ہیں، دونوں نے ملنا ہی تھا۔

بلاول بھٹو کے اسلام آباد پہنچنے سے پہلے عمران خان گھر چلے جائیں گے، سعید غنی

وزیر اطلاعات سندھ سعید غنی نے کہا ہے کہ مجھے یقین ہے اسلام آباد پہنچنے سے قبل ہی عمران خان گھرچلے جائیں گے۔

انہوں نے مسلم لیگ (ن) اور پیپلز پارٹی کے اتحاد پر تنقید کرتے ہوئے کہا کہ 5 فروری یومِ یکجہتی کشمیر کو یوم یکجہتی چوراں ڈکلیئر کیا گیا۔

فواد چوہدری نے کہا کہ یہ گٹھ جوڑ چوریاں چھپانے کی کوشش ہے، کل پیپلز پارٹی کا سرنڈر ڈاکومنٹ سائن کیا گیا، ن لیگ نے سندھ اور پی پی نے پنجاب میں سیاسی مداخلت نہ کرنے کا عہد کیا۔