گوجرانوالہ: شوہر کے ہاتھوں بیوی، ساس، 2 بچے قتل

گوجرانوالہ میں شوہر نے بیوی، ساس اور 2 بچوں کو قتل کر دیا، افسوس ناک واقعہ تھانہ احمد نگر کے علاقے کلیر اونچا میں پیش آیا ہے۔

پولیس کے مطابق جاں بحق ہونے والوں میں ملزم کی بیوی سعدیہ، ساس رشیدہ بی بی اور 2 بچے حرم فاطمہ اور سعد شامل ہیں، بچوں کی عمریں 4 سے 6 سال کے درمیان ہیں۔

ملزم سرور کو بیوی کے کردار پر شبہ تھا جس کی وجہ سے گھر میں اکثر لڑائی جھگڑا رہتا تھا۔

لانڈھی میں شوہر نے فائرنگ کرکے بیوی اور ساس کو قتل کردیا

کراچی لانڈھی شیر پاؤ کالونی میں جمعرات بازار کے...

آج جھگڑا ہوا تو ملزم نے طیش میں آ کر گھر میں موجود تمام افراد کو سروں میں ڈنڈے مار کر قتل کر دیا۔

4 افراد کے قتل کی واردات انجام دینے کے بعد ملزم باآسانی فرار ہو گیا۔

پولیس نے واقعہ کی تحقیقات شروع کردی ہیں جس کا کہنا ہے کہ ملزم کو جلد گرفتار کر لیا جائے گا۔