فرمان الہی
نماز کے اوقات
پاکستان شوبز انڈسٹری کی معروف میزبان و اداکارہ ندا یاسر نے اپنے شوہر یاسر نواز کے اداکارہ نیلم منیر کے ساتھ کام کرنے کی وجہ بتادی۔
فوٹو اینڈ ویڈیو شیئرنگ ایپ انسٹاگرام پر ندا یاسر نے مداحوں کے لیے سوال و جواب کا ایک سیشن رکھا جس میں اُنہوں نے مداحوں کے مختلف سوالات کے جواب دیے۔
اسی سیشن کے دوران ایک مداح نے ندا سے سوال کیا کہ آپ کے شوہر یاسر نواز نے ہر بار صرف نیلم منیر کے ساتھ ہی کیوں کام کیا؟ کسی دوسری اداکارہ کا انتخاب کیوں نہیں کیا؟
مداح کے سوال کا جواب دیتے ہوئے ندا یاسر نے نیلم منیر کی شخصیت کی تعریف کی۔
ندا یاسر نے کہا کہ نیلم منیر ایک خوبصورت انسان ہیں، وہ بےحد باصلاحیت اداکارہ ہیں اور سخت محنت کرنے والی انسان ہیں۔
واضح رہے کہ نیلم منیر، یاسر نواز کے ساتھ ناصرف ڈراموں میں کام کرچکی ہیں بلکہ اُن کی ہدایتکاری میں بننے والی فلم چکر میں بھی کام کیا ہے۔
