لاہور: میاں، بیوی، بچی کا قتل، 3 اجرتی قاتل گرفتار

لاہور کے علاقے چوہنگ میں تہرے قتل کی واردات میں ملوث 3 اجرتی قاتلوں کو بھی گرفتار کر لیا گیا ہے۔

پولیس ذرائع کے مطابق لاہور میں میاں، بیوی اور بچی کو پیشہ ور اجرتی قاتلوں کی مدد سے قتل کیا گیا۔

اجرتی قاتل عاشق نے میاں بیوی کا گلا کاٹا اور بچی کو گلا دبا کر قتل کیا۔

مالاکنڈ:1 شخص کے ہاتھوں ماں، بیوی، بھائی، بھتیجی قتل

مالاکنڈ میں ایک شخص نے فائرنگ کر کے اپنی ماں، بیوی، بھائی اور بھتیجی کو قتل کر دیا، 4 افراد کوقتل کرنے والے ملزم کو گرفتار کر لیا گیا۔

اجرتی قاتلوں کا مرکزی ملزم امین سے رابطہ جیل میں ہوا، پولیس نے ملزم عاشق کو اس کے 2 ساتھیوں سمیت گرفتار کر لیا ہے۔

واقعے میں ملوث نامزد ملزمان امین، رضا، شہزاد اور بابر کو بھی گرفتار کیا جاچکا ہے۔

پولیس کے مطابق ملزمان اس سے قبل بھی ایسی وارداتوں میں ملوث رہے ہیں۔