فرمان الہی
نماز کے اوقات
قومی کرکٹر اظہر علی نے آج پنڈی ٹیسٹ کے دوسرے روز اپنی شاندار سنچری مکمل کی، سنچری مکمل کرنے کے بعد اظہر علی نے فواد عالم کے ’ارطغرل اسٹائل‘ میں سنچری کا جشن منایا۔
2020 میں فواد عالم نے نیوزی لینڈ کے خلاف سنچری اسکور کرنے پر جشن منانے کا منفرد اسٹائل اپنایا تھا، اُن کا جشن منانے کا انداز ترک ڈرامے’ارطغرل غازی‘ کا ایک سین تھا۔
فواد عالم کا بتانا تھا کہ پریکٹس میچ میں (اجّو بھائی) اظہر علی نے کہا تھا کہ سنچری بناؤ گے تو ایسے جشن منانا۔
اس کے علاوہ ایک ٹوئٹ میں قومی کرکٹ ٹیم کے سابق کپتان اظہر علی نے فواد عالم کو’ارطغرل غازی‘ سے تشبیہ دی تھی۔
آج جب اظہر علی نے سنچری مکمل کرنے کے بعد ارطغرل اسٹائل میں جشن منایا تو ڈریسنگ روم میں بیٹھے فواد عالم بھی خوش ہوگئے۔
اظہر علی نے 257 گیندوں پر 8 چوکوں اور ایک چھکے کی مدد سے اپنے کیرئیر کی 19 ویں سنچری اسکور کی۔
