فرمان الہی
نماز کے اوقات
قومی کرکٹ ٹیم کے سابق کپتان اظہر علی نے فواد عالم کی گزشتہ روز سنچری اسکور کرنے پر اُنہیں ’ارطغرل غازی‘ سے تشبیہ دے دی۔
اس ضمن میں اظہر علی نے سماجی رابطے کی ویب سائٹ ٹوئٹر پر دو تصاویر پو مبنی ایک فوٹو کولاج شیئر کی ہے۔
مذکورہ فوٹو کولاج میں پہلی تصویر ترکش ڈرامہ سیریز ’ارطغرل غازی‘ کے مرکزی کردار کی ہے جس میں وہ گھوڑے پر بیٹھے ہیں جبکہ دوسری تصویر فواد عالم کی ہے جس میں وہ اپنی شاندار کارکردگی پر جشن مناتے نظر آرہے ہیں۔
اظہر علی نے فواد عالم کی زبردست سنچری پر اُن کی تعریف کرتے ہوئے کہا کہ ’شیر دل فواد عالم باہمت اور پُرعزم شخصیت کے مالک ہیں۔‘
واضح رہے کہ پاکستان اور نیوزی لینڈ کے درمیان کھیلا گیا پہلا ٹیسٹ میچ تو نیوزی لینڈ کے نام رہا لیکن میچ میں پراعتماد بیٹنگ کرتے ہوئے سنچری اسکور کرنے والے قومی کرکٹر فواد عالم نے اپنی پرفارمنس سے سب کے ہی دل جیت لیے ہیں۔
سنچری پر منفرد انداز میں جشن منانے سے متعلق فواد عالم کا کہنا تھا کہ میرا جشن منانے کا انداز ترک ڈرامے’ارطغرل غازی‘ کا ایک سین ہے۔
انہوں نے اپنی بات جاری رکھتے ہوئے کہا کہ پریکٹس میچ میں (اجّو بھائی) اظہر علی نے کہا تھا کہ سنچری بناؤ گے تو ایسے جشن منانا۔
