فرمان الہی
نماز کے اوقات
پاکستان کے وکٹ کیپر بیٹر محمد رضوان نے آسٹریلوی کرکٹر مارنوس لابوشین کے بازو پر لگنے والی گیند کے بعد مہمان کرکٹر کا بازو سہلا کر دل جیت لیے۔
اتوار کو راولپنڈی میں کھیلے جانے والے پہلے ٹیسٹ کے تیسرے روز مارنوس کے بازو پر گیند لگ گئی۔
مارنوس پاکستانی اسپنر نعمان علی کی جانب سے کی گئی ایک گیند کو کھیلنے کے لیے گُھٹنے کے بل بیٹھے تو گیند ان کی کہنی سے ٹکرا جاتی ہے۔
محمد رضوان جو وکٹوں کے پیچھے کھڑے ہوتے ہیں مارنوس کی مدد کے لیے فوراً آگے بڑھتے ہیں اور ان کا بازو سہلاتے ہیں۔
پی سی بی نے بھی محمد رضوان اور مارنوس کی یہ ویڈیو شیئر کی اور کہا کہ محمد رضوان تو مدد کر کے بہت زیادہ خوش ہوئے۔
خیال رہے کہ پاکستان اور آسٹریلیا کے درمیان راولپنڈی ٹیسٹ میں چوتھے دن کا کھیل گزشتہ شب ہوئی بارش کے سبب تاخیر سے شروع ہونے کا امکان ہے ۔
