میرپورخاص( نامہ نگار)ریجنل انٹر ڈسٹرکٹ انڈر 19کرکٹ ٹورنامنٹ میں میرپورخاص نے ٹھٹھہ کو ایک اننگ اور 43رنز سے ہرادیا، کھیلے گئے میچ میں ٹاس جیت کر ٹھٹھہ نے پہلی اننگ میں 153رنز بنائے اسرار حسین نے 64،اور سعود خان نے 35،رنز اسکور کئے ،فہیم وسان نے تباہ کن بولنگ کرتے ہوئے 5 اور بلال عالم نے 3وکٹیں لیں ،جواب میں میرپورخاص کی ٹیم نے پہلی اننگ میں 333رنز بنا کر 180رنز کی سبقت حاصل کی، محمد سلیمان نے شاندار بیٹنگ کرتے ہوئے 115رنز کی اننگ کھیلی جبکہ شاول سومرو نے 87،نعمت خان نے 62اور کپتان محمد بہزاد نے 42 رنز بنائے ،ٹھٹھہ کے محمد حسیب نے 3،اور سمیر نے 2وکٹیں حاصل کیں دوسری اننگ میں ٹھٹھہ کی ٹیم 137رنز بنا کر آؤٹ ہوگئی عزیر علی 39،اور سعود خان 28رنز بنا سکے ،فہیم وسان نے دوسری اننگ میں 4کھلاڑیوں کو آؤٹ کرکے ٹورنامنٹ میں اپنی وکٹوں کی تعداد 23کرلی،محمد بہزاد نے 3کھلاڑیوں کو آؤٹ کیا، کھیلے گئے میچ کے امپائرز مظفر علی خان اور عبد القیوم جبکہ اسکورر عاطف بلوچ تھے۔
فرمان الہی
نماز کے اوقات
