فرمان الہی
نماز کے اوقات
وفاقی وزیر داخلہ شیخ رشید احمد کا کہنا ہے کہ آج سے اتحادی حکومت کی حمایت کا اعلان شروع کردیں گے، 25 مارچ کو میدان عمران خان کے حق میں ہو جائے گا۔
اسلام آباد میں پریس کانفرنس کرتے ہوئے شیخ رشید نے کہا کہ ایم کیو ایم بھی عمران خان کا ساتھ دے گی، پرویز الہٰی سے بات نہیں ہوئی۔
مولانا فضل الرحمان کو خبردار کرتے ہوئے شیخ رشید نے کہا کہ حکومت اور اپوزیشن کے درمیان تصادم کا خدشہ ہے، انتشار پھیلا تو ذمے دار مولانا فضل الرحمان ہوں گے، یہ سارے بھاگ جائیں گے، مولانا دھر لیے جائیں گے۔
وزیر داخلہ نے کہا کہ ملک میں خانہ جنگی ہوئی تو قیمت مولانا کوادا کرنا پڑے گی، یہ نہ ہوکہ عدم اعتماد عدم استحکام کی طرف منتقل ہوجائے۔
شیخ رشید پی ٹی آئی ہجوم سے گزر کر اسمبلی جانے کی دھمکی پر بولے کہ کسی کو الجھنے اور لڑنے کی ضرورت نہیں، 27 مارچ کو اتوار ہے، اس دن ووٹنگ نہیں ہو رہی، سیاست سے اسٹیبلشمنٹ دور ہے۔
وزیر داخلہ نے کہا کہ عمران خان جیتے یا ہارے فائدہ عمران خان کو ہوگا۔
شیخ رشید نے 25 اور 27 مارچ کے جلسوں کو مکمل تحفظ دینے کا اعلان کرتے ہوئے کہا کہ 20 مارچ سے دو اپریل تک اسلام آباد میں رینجرز، ایف سی اور پولیس کو خصوصی اختیارات ہوں گے۔
