اللّٰہ کا شکر میں غیر آئینی کام کرنے سے بچ گیا، برطرف گورنر پنجاب

پنجاب میں برطرف ہوئے گورنر چوہدری محمد سرور کا کہنا ہے کہ اللّٰہ کا شکر ہے میں غیر آئینی کام کرنے سے بچ گیا۔

لاہور میں صحافیوں سے غیر رسمی گفتگو کرتے ہوئے برطرف گورنر پنجاب چوہدری محمد سرور نے کہا کہ میں نے ہمیشہ آئین کی پاسداری کو ترجیح دی۔

چوہدری سرور برطرف، عمر سرفراز چیمہ نئے گورنر پنجاب مقرر

وفاقی حکومت کی جانب سے عمر سرفراز چیمہ کو نیا گورنر پنجاب مقرر کر دیا گیا ہے۔

چودھری محمد سرور نے کہا کہ میں غیر آئینی کام کیسے کر سکتا ہوں، غیر آئینی کام سے بچنے کیلئے چند روز قبل استعفےکی پیشکش کر دی تھی۔

انہوں نے بتایا کہ ساتھیوں کی مشاورت سے آئندہ کی حکمت عملی کا اعلان کروں گا۔