عمران خان کے دورانِ خطاب پانی مانگنے پر ریحام خان کا ردِ عمل

وزیر اعظم عمران خان کی سابقہ اہلیہ ریحام خان نے وزیر اعظم عمران خان کی دورانِ خطاب پانی مانگتے وائرل ہونے والی ویڈیو پر اپنا ردِعمل دیا ہے۔

ریحام خان نے مائیکرو بلاگنگ ویب سائٹ ٹوئٹر پر اس واقعے کے بارے میں اپنا ردِعمل دیتے ہوئے لکھا کہ’میں اس بحث میں نہیں پڑنا چاہتی کہ روزہ تھا یا بھول کر پانی مانگا‘۔

اُنہوں نے مزید لکھا کہ’کوئی انسان روزہ رکھے یا نہ رکھے یہ اس کا اور اللہ کا معاملہ ہے لیکن اگر کوئی شخص صرف اپنی سیاست کے لیے ریاست مدینہ کا نام استعمال کرے تو وہ قابل مذمت اور غلط بات ہے‘۔

ویڈیو: عمران خان نے دوران خطاب ’روزے‘ میں پانی مانگ لیا

وزیراعظم عمران خان نے دورہ لاہور کے دوران گورنر ہاؤس میں تقریب سے خطاب کیا۔

واضح رہے کہ وزیراعظم عمران خان کو گزشتہ روز دورۂ لاہور کے دوران گورنر ہاؤس میں منعقدہ تقریب سے خطاب کے دوران اچانک کھانسی کا دورہ پڑ گیا۔

عمران خان دورانِ خطاب کھانسنے کے بعد اچانک پانی مانگ لیتے ہیں، وہاں کھڑے شخص کی جانب سے انہیں بتایا جاتا ہے کہ ’آپ کا روزہ ہے ۔‘