فرمان الہی
نماز کے اوقات
بالی ووڈ کے مسٹر پرفیکشنسٹ عامر خان نے اپنے مداحوں کو 28 اپریل کو کہانی سنانے کا اعلان کردیا ہے۔
سماجی رابطے کی ویب سائٹ پر جاری ویڈیو میں عامر خان اور اُن کی فلم میکنگ ٹیم کے دیگر ممبران کو عمارت کی چھت پر کرکٹ کھیلتے دیکھا جاسکتا ہے۔
گرے ٹی شرٹ اور پینٹ زیب تن کیے مسٹر پرفیکٹشنسٹ گیند کو شارٹ مار کر کیمرے کی طرف آکر 28 تاریخ کو ایک کہانی سنانے کا اعلان کرتے ہیں۔
انہوں نے ساتھ ہی اپنی ٹیم کے تمام افراد کو بھی مخاطب کرتے ہوئے کہا کہ میں آپ سب کو بھی 28 اپریل کو کہانی سناؤں، جس پر سب کہتے ہیں ’او کے سر‘۔
عامر خان ایک اور خوبصورت اسٹروک کھیلتے ہیں اور ساتھ ہی وہاں موجود افراد سے پوچھتے ہیں، مجھے آئی پی ایل میں کھیلنے کا موقع مل سکتا ہے کیا ؟
بھارتی میڈیا رپورٹ کے مطابق عامر خان کا ویڈیو میں 28 اپریل کو کہانی سنانے کا اعلان فلم ’لال سنگھ چڈھا‘ کے ٹریلر کی ریلیز سے جڑا ہے۔
مداحوں نے عامر کی نئی ویڈیو پر ردعمل دیے، ایک نے کہا کہ 28 اپریل کو لال سنگھ چڈھا کا ٹریلر آرہا ہے، دوسرے نے کہا کہ یہ تو ہر چیز میں بہتر ہے، کیا آرہا ہے؟ ٹیزر، ٹریلر یا پھر فلم کی نئی تاریخ؟
عامر خان کی فلم لال سنگھ چڈھا کا مداح بے صبری سے انتظار کر رہے ہیں، جو 11 اگست کو سینما گھروں کی زینت بنے گی، کرینہ کپور بھی فلم کا حصہ ہیں۔
