وزیراعظم شہباز شریف کا کراچی دھماکے پر گہرے دکھ کا اظہار

وزیراعظم شہباز شریف نے وزیراعلیٰ سندھ سید مراد علی شاہ سے ٹیلی فونک رابطہ کیا۔

وزیر اعظم شہباز شریف نے وزیراعلیٰ سندھ سے کراچی یونیورسٹی کے اندر وین میں ہونے والے بم دھماکے سے متعلق صورتحال دریافت کی اور دھماکے پر گہرے دکھ کااظہار کیا۔

وزیر اعلیٰ سندھ سید مراد علی شاہ نے وزیراعظم شہباز شریف کو واقعہ کی تفصیلات بتائیں۔

جامعہ کراچی دھماکے میں 2 خواتین سمیت 3 چینی باشندے جاں بحق

کراچی یونیورسٹی کے قریب گاڑی میں بم دھماکے کے نتیجے میں 3 غیر ملکی جاں بحق جبکہ متعدد افراد زخمی ہوگئے۔

وزیراعلیٰ سندھ نے وزیراعظم کو بتایا کہ وین دھماکے میں 4 افراد جاں بحق ہوئے ہیں جس میں چائنیز بھی شامل تھے۔

فون کال کے دوران وزیراعظم شہباز شریف نے وفاقی حکومت کی جانب سے سندھ حکومت کو اس قسم کے واقعات سے نمنٹنے کے لیے بھرپور مدد اور تعاون کی یقین دہانی کرائی۔