وزیراعظم اور امیر قطر کا ٹیلیفونک رابطہ، عید کی مبارکباد

وزیراعظم شہباز شریف اور امیر قطر شیخ تمیم بن حمد بن خلیفہ الثانی کے درمیان ٹیلی فونک رابطہ ہوا ہے۔

اس حوالے سے جاری اعلامیے کے مطابق وزیراعظم شہباز شریف نے امیر قطر کو عید کی مبارکباد دی اور قطر کے عوام کے لیے نیک تمناﺅں کا اظہار کیا۔ 

امیر قطر نے بھی وزیراعظم شہباز شریف کو عید کی مبارکباد دی اور پاکستانی عوام کے لیے خیرسگالی کے جذبات کا اظہار کیا۔ 

دونوں رہنماؤں نے دو طرفہ سیاسی و معاشی روابط کو نئی بلندیوں سے ہمکنار کرنے کے عزم کا اعادہ کیا۔ 

دونوں قائدین نے باہمی دلچسپی کے تمام امور پر قریبی رابطہ استوار رکھنے اور مل کر چلنے پر اتفاق کیا۔

وزیراعظم شہباز شریف نے امیر قطر کو پاکستان کا دورہ کرنے کی دعوت دی جبکہ امیر قطر نے وزیراعظم کو قطر کے دورے کی جوابی دعوت بھی دی۔