وزیر خزانہ مفتاح اسماعیل کا رضا باقر کی مدت ملازمت میں توسیع نہ دینے کا عندیہ

وزیر خزانہ مفتاح اسماعیل نے گورنر اسٹیٹ بینک رضا باقر کی مدت ملازمت میں توسیع نہ دینے کا عندیہ دے دیا۔

حکومت نے اب تک گورنر اسٹیٹ بینک کا نام فائنل نہیں کیا، ذرائع

رضا باقر کی مدت ملازمت ختم ہونے کے قریب آگئی لیکن حکومت نے نئے گورنر اسٹیٹ بینک کا نام تاحال فائنل نہیں کیا ہے۔

سماجی رابطے کی ویب سائٹ پر ایک بیان میں مفتاح اسماعیل نے کہا کہ گورنر اسٹیٹ بینک رضا باقر کی 3 سالہ مدت ملازمت کا کل آخری دن ہے۔

انہوں نے کہا کہ گورنر اسٹیٹ بینک سے بات کرکے حکومتی فیصلے سے آگاہ کیا، پاکستان کے لیے خدمت پر رضا باقر کا شکر گزار ہوں۔

وزیر خزانہ نے مزید کہا کہ رضا باقر غیر معمولی قابل آدمی ہیں، ہم نے اپنے مختصر وقت میں مل کر اچھا کام کیا۔