گوجرانوالہ، تلخ کلامی پر دوست کے ہاتھوں دوسرا دوست قتل

گوجرانوالہ میں معمولی تلخ کلامی پر ایک دوست نے دوسرے دوست کو فائرنگ کرکے قتل کردیا۔

پولیس کے مطابق واقعہ محلہ شریف فارم کے قریب پیش آیا جہاں دونوں دوستوں میں معمولی تلخ کلامی پر جھگڑا ہوا اور ایک دوست نے دوسرے پر فائرنگ کردی۔

فائرنگ کے نتیجے میں 24 سالہ کلیم اللّٰہ موقع پر ہلاک ہوگیا۔

پولیس کا کہنا ہے کہ ملزم فائرنگ کے بعد موقع سے فرار ہے جس کی تلاش جاری ہے۔