خواجہ سعد رفیق کو برسوں بعد خوشی کا لمحہ میسر آ گیا

پاکستان مسلم لیگ ن کے رہنما، وفاقی وزیر برائے ہوا بازی و ریلوے، خواجہ سعد رفیق نے لندن سے جگری دوستوں کے ہمراہ سوشل میڈیا پر تصویر شیئر کی ہے۔

خواجہ سعد رفیق نے سماجی رابطے کی ویب سائٹ ٹوئٹر پر ایک تصویر شیئر کی ہے، اس تصویر میں اُن کے ساتھ عابد شیر علی اور سردار ایاز صادق کو بھی دیکھا جا سکتا ہے۔

کیمرے میں قید کر لیے  گئے اس لمحے کو خواجہ سعد رفیق نے خوشگوار قرار دیا ہے۔

تصویر کے کیپشن میں خواجہ سعد رفیق کا لکھنا ہے کہ ’اپنے دوستوں کے ہمراہ برسوں بعد خوشگوار لمحات گزارے۔‘

لندن: ن لیگ کے اہم اجلاس کی اندرونی کہانی سامنے آگئی

حکمران جماعت مسلم لیگ (ن) کے لندن اجلاس کی اندرونی کہانی سامنے آگئی، جس میں ملکی معیشت سنبھالنے سے متعلق بڑا فیصلہ کرلیا گیا۔

اس تصویر میں مسلم لیگ ن کے تینوں رہنما خوشگوار موڈ میں نظر آ رہے ہیں۔

لندن میں موجود عابد شیر علی اور ایاز صادق نے بھی اس ٹوئٹ کو ری ٹوئٹ کیا ہے۔

وزیراعظم شہباز شریف کی وفد کے ہمراہ لندن قیام میں توسیع

وزیراعظم شہباز شریف کی سربراہی میں لندن آنے والے وفد کے قیام میں ایک دن کی توسیع کردی گئی۔

واضح رہے کہ وزیر اعظم شہباز شریف اور مسلم لیگ ن کے متعدد سینئر رہنما اس وقت لندن میں موجود ہیں۔