ملیر، زائد المیعاد انجکشن لگنے سے 5لاکھ کی بھینس ہلاک

کراچی کے ضلع ملیر، بھینس کالونی میں زائد المیعاد انجکشن لگنے سے بھینس مر گئی۔

پولیس کے مطابق سکھن پولیس کی جانب سے زائد المعیاد ادویات کی فروخت پر مقدمہ درج کر لیا گیا ہے، مقدمہ بھینس کے مالک انور اقبال کی مدعیت میں درج کیا گیا ہے۔

پولیس کے مطابق مقدمہ زیر دفعہ 429 ت پ کے تحت درج کیا گیا ہے، مقدمے میں شاہ میڈیکل اسٹور کے مالک محسن شاہ کو نامزد کیا ہے۔

مقدمہ کے متن کے مطابق  پانچ لاکھ مالیت کی بھینس زائد المیعاد انجکشن لگنے سے مری ہے، ملزم محسن شاہ نے زائد المیعاد انجکشن دیا۔

پولیس کی جانب سے میڈیکل اسٹور کے مالک کے خلاف مقدمہ درج کرکے تفتیش شروع کر دی گئی ہے۔