عدنان صدیقی ٹوئٹر کے مشکور کیوں؟

23 مئی ، 2022

پاکستان شوبز اندسٹری کے معروف اداکار عدنان صدیقی نے اپنا ٹوئٹر اکاؤنٹ ویریفائی ہونے پر ٹوئٹر کا شکریہ ادا کیا ہے۔

عدنان صدیقی نے مائیکرو بلاگنگ ویب سائٹ ٹوئٹر پر اپنا اکاؤنٹ ویریفائی ہونے پر خوشی کا اظہار کرتے ہوئے لکھا کہ’اس تنازع سے جس میں مجھے انجانے میں گھسیٹا گیا کچھ اچھا نتیجہ نکل آیا۔‘

اُنہوں نے مزید لکھا کہ ’ٹوئٹر نے آخر کار میرے وجود کا نوٹس لے لیا اور میرے ٹوئٹر ہینڈل کی تصدیق کر دی!‘

عدنان صدیقی نے اپنے ٹوئٹ کے آخر میں ٹوئٹر اکاؤنٹ ویریفائی ہونے پر ٹوئٹر کا شکریہ بھی ادا کیا۔

یاد رہے کہ اداکار عدنان صدیقی گزشتہ سال ٹوئٹر پر 98 ہزار فالوورز ہونے کے باوجود اکاؤنٹ ویریفائی نہ ہونے کی صورت میں ٹوئٹر سے شکوہ کناں دکھائی دے رہےتھے۔

اداکار نے اپنے ٹوئٹر پیغام میں اس شکوے کا اظہار کیا تھا کہ ’22 کروڑ پاکستانی میرے اداکار ہونے کی تصدیق کر سکتے ہیں جس نے دنیا کے مختلف براعظموں میں کام کیا ہوا ہے لیکن پھر بھی میں اب تک ٹوئٹر اکاؤنٹ کے ویریفائیڈ ہونے کا اہل نہیں ہوں۔‘

خیال رہے کہ اب اداکار عدنان صدیقی گزشتہ چند دنوں سے سابق وزیرِ اعظم نواز شریف سے لندن میں ملاقات کی وجہ سے میڈیا اور سوشل میڈیا کی توجہ کا مرکز بنے ہوئے ہیں۔

انٹرٹینمنٹ سے مزید