سدھو موسے والا کی اپریل میں شادی کیوں نہ ہوسکی تھی؟

دنیا بھر میں موجود کروڑوں مداحوں کو سوگوار چھوڑ جانے والے بھارتی پنجابی گلوکار شبھ دیپ سنگھ سدھو عرف سدھو موسے والا رواں سال شادی کے بندھن میں بندھنے والے تھے۔

بھارتی ویب سائٹ ’انڈیا ٹوڈے‘ کے مطابق گزشتہ اتوار قتل ہونے والے گلوکار سدھو موسے والا رواں سال نومبر میں ’اماندیپ کور‘ نامی لڑکی سے شادی کرنے والے تھے۔

سدھو موسے والا کی پوسٹ مارٹم رپورٹ آ گئی

پنجاب پولیس کے سربراہ وی کے بھورا کا کہنا ہے کہ ایسا لگتا ہے کہ یہ قتل ایک گینگ وار کی آپسی دشمنی کا نتیجہ ہے۔

انڈیا ٹوڈے کے مطابق سدھو کا رشتہ کینیڈا سے تعلق رکھنے والی لڑکی، اماندیپ کور سے دو سال قبل طے پایا تھا۔

انڈیا ٹوڈے کا بتانا ہے کہ گلوکار سدھو موسے والا کی شادی کی تاریخ پہلے اپریل 2022ء میں طے پائی تھی، بعد ازاں مارچ میں سدھو موسے والا کے پنجاب اسمبلی کے انتخابات میں ہار جانے پر شادی نومبر تک ملتوی کردی گئی تھی۔

سدھو موسے والا کی آخری رسومات سے دلخراش مناظر

سدھو موسے والا کی میت سے لپٹے والدین کی متعدد جذباتی تصویریں اور ویڈیوز سوشل میڈیا پر وائرل ہو رہی ہیں۔

واضح رہے کہ پنجابی گلوکار سدھو موسے والا کو 29 مئی کی شام نامعلوم حملہ آوروں کی جانب سے فائرنگ کر کے قتل کر دیا گیا تھا۔

دوسری جانب سدھو موسے والا کی پوسٹ مارٹم رپورٹ میں انکشاف کیا گیا ہے کہ اُنہیں 30 گولیوں کا نشانہ بنایا گیا جبکہ 2 درجن سے زائد گولیاں اُن کے جسم سے نکالی گئیں۔

سدھو موسے والا کی پوسٹ مارٹم رپورٹ 5 ڈاکٹروں پر مشتمل ایک پینل کی جانب سے مرتب کی گئی۔