فرمان الہی
نماز کے اوقات
عمران خان کی سابقہ اہلیہ، برطانوی فلمساز جمائمہ گولڈ اسمتھ نے ہتک عزت کا مقدمہ جیتنے پر اداکار جانی ڈیپ کو ایک مشورہ دیا ہے۔
جمائمہ گولڈ اسمتھ نے مائیکرو بلاگنگ ویب سائٹ ٹوئٹر پر اداکار جانی ڈیپ اور امبر ہرڈ کے معاملے پر اپنی رائے کا اظہار کیا ہے۔
اُنہوں نے اپنےٹوئٹ میں لکھا کہ’میری خواہش ہے کہ اب جانی ڈیپ، امبر ہرڈ کے تمام نقصانات کو معاف کرتے ہوئے ایک بیان دیں گے کہ جو کچھ ہوا اس کا مقصد پیسے نہیں تھے۔‘
اُنہوں نے مزید لکھا کہ’اس کے علاوہ امبر ہرڈ پر تنقید کرنے والوں کو بھی اداکارہ کے لیے نیک خواہشات رکھنے کی تاکید کریں۔‘
واضح رہے کہ ہالی ووڈ کے معروف اداکار جانی ڈیپ اور ان کی سابقہ اہلیہ امبر ہرڈ کے کیس کا فیصلہ آگیا ہے، جس کے مطابق امبر ہرڈ بڑی مجرمہ اور جانی ڈیپ چھوٹے مجرم قرار دیئے گئے ہیں۔
غیرملکی میڈیا کے مطابق، 100 ملین ڈالر ہرجانے کے جانی ڈیپ بمقابلہ امبر ہرڈ ہتک عزت کے مقدمے میں سابقہ میاں بیوی ایک دوسرے کو بدنام کرنے پر مجرم قرار پائے۔
