چمن(نامہ نگار) ایک گھر پر دستی بم حملے میں بچوں اورخواتین سمیت 6افراد زخمی ہوگئے ۔لیویز ذرائع کے مطابق چمن کے کالج روڈ پر واقع خدائیداد خان کاکڑ کے گھر پر نامعلوم موٹرسائیکل سواروں نے دستی بم پھینکا اور فرار ہوگئے۔ دستی بم پھٹنے سے زوردار دھماکہ ہوا جس سے علاقہ لرز اٹھا دھماکے میں ایک ہی خاندان کے 6افراد زخمی ہوگئے زخمیوں میں خدائیداد خان ولد محمد یوسف، حیات اللہ عبدالناصر محمد نعیم ولد خدائیداد بی بی امینہ اور بی بی ناہیدہ شامل ہے ۔زخمیوں میں بچے اور خواتین بھی شامل ہیں جن کو طبی امداد کے لئے سول اسپتال چمن منتقل کردیا گیا جبکہ ایک شدید زخمی بچی کو مزید علاج کےلئے کوئٹہ منتقل کیا گیا ۔ بم حملے میں 2 گاڑیوں سمیت گھر کو بھی شدید نقصان پہنچا واقعہ اتوار کی صبح پیش آیا جب گھر کے لوگ گھر صحن میں ناشتہ کر رہے تھے وا قعہ کے بعد لیویز نے علاقے کو گھیرے میں لے کر ملز ما ن کی تلاش اور تحقیقات شروع کردی ہے۔
فرمان الہی
نماز کے اوقات
