پیرس ( جنگ نیوز) اتوارکو ہونے والے فرنچ اوپن مقابلوں میں شیلبی راجرز نے رومانیہ سے تعلق رکھنے والی ارینا بیگو کو شکست دے کر کواٹر فائنل میں پہنچ گئیں۔وہ اس کارکردگی پر نا صرف خود حیران ہیں بلکہ ریکارڈز بک کا حصہ بھی بن گئی ہیں۔ شیلبی نے اس بات کا اعتراف بھی کیا کہ انہوں نے اس ٹورنامنٹ میں اپنی صلاحیتوں سے بڑھ کر مظاہرہ کیا ہے۔ حالانکہ انہیں ابھی تک اس بات کا یقین نہیں ہے کہ وہ اتنی اچھی کارکردگی بھی دکھا سکتی ہیں ۔ شیلبی راجرز نے میڈیا سے گفتگو کرتے ہوئے کہا کہ اس کھیل میں بہترین مظاہرہ کرنے کیلئے سخت محنت کی ہے ۔ شیلبی راجرز نے گزشتہ رائونڈز میںدو بار کی ویمبلڈن چیمپئن پیٹرا کویٹواکو ناک آئوٹ کر چکی ہیں ۔ واضح رہے کہ اتوار کو ملنے والی اس جیت نے شیلبی راجرز کو ان کھلاڑیوں میں شامل کر دیا جو ٹاپ 100 سے باہر ہیں ۔ اس کے باوجود1983 سے ابتک کو اٹر فائنل تک پہنچنے والی نویں کھلاڑی بن گئیں۔ شیلبی راجرز کو ابھی فرنچ اوپن میں مزید امتحانات دینے ہو نگے ۔ آئندہ میچ میں وہ گربائن ماگاروزا کا سامنا کریں گی ۔
فرمان الہی
نماز کے اوقات
