بلیک برن(جنگ نیوز)مانچسٹر کمیونٹی سینٹر میںینگ مین باکسنگ ٹورنامنٹ کا انعقادکیاگیا جس میںپاکستانی کمیونٹی سے تعلق رکھنے والے نوجوانوں نے بہترین کھیل کامظاہرہ کیا۔تفصیلات کے مطابق کونسلر عابد چوہان کی زیرسرپرستی نوجوانوں کی دلچسپی کے لئے ایک روزہ باکسنگ ایونٹ کا انعقاد کیا گیا جس کے مہمان خصوصی پاکستان سے آئے ہوئے بریگیڈئیر (ر)ارشد خان اور معروف بزنس مین انور یعقوب چوہدری تھے ۔باکسنگ ایونٹ میں پاکستانی نوجوان باکسرز نے حصہ لیا اور بہترین کھیل کا مظاہرہ کیا ۔اس موقع پر مہمان خصوصی نے خطاب کرتے ہوئے کہا کہ نوجوانوں کو اس کھیل میں بھرپور دلچسپی لینی چاہئے۔یہ ایک صحت مندانہ سرگرمی ہے۔ بالخصوص پاکستانی کمیونٹی سے تعلق رکھنے والے نوجوانوں کو اس کھیل میں حصہ لینے کی اشد ضرورت ہے ۔انھوں نے کہا کہ مجھے بڑی خوشی ہے کہ مقامی حکومت بھی اس کھیل کے فروغ کے لئے ٹھوس اقدامات کر رہی ہے اور نوجوانوں کو اس کھیل کی طرف راغب کرنے کی کوشش کر رہی ہے۔
فرمان الہی
نماز کے اوقات
