• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موٹر وے پولیس نے نوٹوں سے بھرا بیگ مالک کے حوالے کر دیا

تازہ ترین
قومی خبریں
16 جون ، 2022
—فائل فوٹو
—فائل فوٹو

موٹر وے پولیس نے فرض شناسی اور ایمانداری کی ایک اور مثال قائم کر دی، نوٹوں سے بھرا بیگ کچھ دیر کے بعد ہی اس کے اصل مالک کے حوالے کر دیا۔

موٹر وے پولیس کے مطابق نجی کمپنی کی مسافر بس اسلام آباد سے فیصل آباد جاتے ہوئے موٹر وے سروس ایریا میں رکی جہاں مسافر محمد ارشد پیسوں سے بھرا بیگ بس میں چھوڑ کر واش روم چلا گیا۔

محمد ارشد نے واپس آ کر دیکھا تو بس مسافر پورے کیے بغیر اور اسے لیے بغیر ہی روانہ ہو چکی تھی۔

موٹروے پولیس نے ایمانداری کی مثال قائم کردی

موٹر وے پولیس نے ایمانداری کی مثال قائم کردی، سروس ایریا سے ملنے والا پرس مالک کے حوالے کردیا

مسافر نے پریشانی کی حالت میں فوری موٹر وے پولیس کو صورتِ حال سے آگاہ کیا، جس کے بعد فوری طور پر متعلقہ بس کو سیال موڑ کے قریب روک کر اس کی تلاشی لی گئی تو اس میں سے 25 لاکھ روپے کی رقم والا بیگ برآمد ہو گیا۔

بیگ قانونی کارروائی کے بعد مالک کے حوالے کر دیا گیا ہے، بر وقت مدد کرنے پر مسافر نے موٹر وے پولیس کا شکریہ ادا کیا ہے۔

مذکورہ مسافر دال کا کاروبار کرتا ہے، جو مختلف اضلاع کے تاجروں سے 25 لاکھ روپے کی رقم اکھٹی کر کے فیصل آباد جا رہا تھا کہ اسے اس صورتِ حال کا سامنا کرنا پڑ گیا۔

قومی خبریں سے مزید