فرمان الہی
نماز کے اوقات
سابق وفاقی وزیر، پی ٹی آئی رہنما مراد سعید نے اپنا ووٹ سوات کے صوبائی اسمبلی کے حلقے پی کے 7 میں کاسٹ کر دیا۔
اس موقع پر پولنگ اسٹیشن کے باہر مراد سعید نے ’جیو نیوز‘ سے گفتگو کے دوران کہا کہ آج پی ٹی آئی کا مقابلہ پوری پی ڈی ایم سے ہے۔
ان کا یہ بھی کہنا ہے کہ ضمنی الیکشن کی طرح عنقریب پورے ملک میں جنرل الیکشن بھی ہوں گے جن میں پی ٹی آئی پھر کامیاب ہو گی۔
واضح رہے کہ سوات کے صوبائی اسمبلی کے حلقے پی کے 7 میں بھی ضمنی انتخاب کے لیے پولنگ جاری ہے، یہاں کسی وقفے کے بغیر شام 5 بجے تک ووٹ ڈالے جا سکیں گے۔
الیکشن کمیشن کے مطابق حلقہ پی کے 7 سوات میں ہونے والے ضمنی الیکشن میں مجموعی طور پر 4 امیدواروں کے درمیان مقابلہ ہو رہا ہے۔
یہاں پی ٹی آئی کے امیدوار فضل مولا اور اے این پی کے امیدوار حسین احمد کے درمیان سخت مقابلہ متوقع ہے۔
حلقے میں مجموعی طور پر 1 لاکھ 83 ہزار 308 ووٹرز اپنا حقِ رائے دہی استعمال کر رہے ہیں۔
الیکشن کمیشن کے مطابق پی کے 7 سوات میں مرد ووٹرز کی تعداد 1 لاکھ 2 ہزار 88 جبکہ خواتین ووٹرز کی تعداد 81 ہزار 220 ہے۔
حلقے میں کُل 124 پولنگ اسٹیشنز قائم کیے گئے ہیں جن میں 308پولنگ بوتھ بنائے گئے ہیں۔
