دُنیائے کرکٹ کے دو ’لیجنڈز‘ ایک تصویر میں

قومی کرکٹ ٹیم کے سابق کپتان و سوئنگ کے سلطان وسیم اکرم کی بھارت کے سابق آل راؤنڈر اور ہیڈ کوچ روی شاستری کے ساتھ تصویر سوشل میڈیا پر وائرل ہوگئی۔

گزشتہ روز روی شاستری نے لندن میں لارڈز سے پاکستان کے مایہ ناز فاسٹ باؤلر وسیم اکرم کے ساتھ ایک تصویر شیئر کی۔ 

تصویر میں شاستری اور وسیم اکرم ایک جیسے سوٹ میں ملبوس تھے جبکہ دونوں نے گلابی رنگ کی ٹائی پہنی ہوئی تھی۔

شائقین کرکٹ کی جانب سے دو عظیم کھلاڑیوں کی جڑواں انداز میں تصویر کو پسند کیا جارہا ہے۔

وسیم اکرم کو محمد آصف کا کیریئر ختم ہونے پر افسوس

پاکستان کرکٹ ٹیم کے سابق کپتان اور سوئنگ کے سلطان وسیم اکرم نے کہا ہے کہ فاسٹ باؤلر محمد آصف کا ٹیلنٹ ضائع ہوگیا کیونکہ ان میں گیند کو دونوں طرف سوئنگ کرنے کی خوبی تھی۔

روی شاستری نے اپنے ٹوئٹ میں لکھا کہ ’کل آپ سے مل کر بہت اچھا لگا‘۔

شاستری کے شیئر کرنے کے بعد ٹوئٹر پر اس تصویر کو 23 ہزار سے زیادہ لائکس اور 514 ری ٹوئٹس ملے ہیں۔