بس میں خاتون سے مبینہ زیادتی کا واقعہ، وزیراعلیٰ نے نوٹس لے لیا

بھکر سے کراچی جانے والی بس میں مسافر خاتون سے مبینہ زیادتی کے واقعے کا وزیراعلیٰ پنجاب حمزہ شہباز نے نوٹس لے لیا۔

وزیراعلیٰ پنجاب حمزہ شہباز نے انسپکٹر جنرل (آئی جی) پنجاب سے واقعے کی رپورٹ بھی طلب کرلی۔

بس میں مسافر خاتون سے مبینہ زیادتی، ملزم گرفتار

بھکر سے کراچی جانے والی بس میں مسافر خاتون سے مبینہ زیادتی کرنے والے ملزم کو گرفتار کر لیا گیا۔

حمزہ شہباز کا کہنا ہے کہ متاثرہ خاتون کو ہر صورت انصاف فراہم کیا جائے۔

وزیراعلیٰ نے کہا کہ گرفتار ملزم کے خلاف قانون کے تحت سخت کارروائی کی جائے۔

واضح رہے کہ بھکر سے کراچی جانے والی بس میں مسافر خاتون سے مبینہ زیادتی کی گئی تھی، جس کے بعد پولیس نے ملزم بس کنڈیکٹر کو گرفتار کرلیا تھا۔

متاثرہ خاتون نے الزام عائد کیا تھا کہ کنڈیکٹر نے اسے بس میں زیادتی کا نشانہ بنایا۔

پولیس کے مطابق متاثرہ خاتون بھکر سے کراچی جارہی تھی، خاتون نے جام پور پہنچ کر پولیس کو واقعے کی اطلاع دی۔